لو أعيش
لو أعيش زول ليهو قيمة اسعد الناس بوجودي
زي نضارة غصن طيب كل يوم يخضر عودي
أبقى زولا ليهو قيمة.....أبقى زولا ليهو قيمة
أبقى دار لكل لاجئ...أو حنان جوه الملاجئ
أبقى للأطفال حكاية .... حلوة من ضمن الأحاجي
بيها يتهنوا وينوموا....واحرسهم طول ليلي ساجي
والقي في راحة نفوسهم.....بسمتي وطول إبتهاجي
وابقى زولا ليهو قيمة.... وابقى زولا ليهو قيمة
لو اعيش طول عمري نسمة....أو مع الأيام سحابة
أهطل أهدي الدنيا بسمة.... اروي وادي واسقي غابة
لو اعلم طفل واعد .....لسه ما عرف الكتابة
وابقى شجرة ظلالها وارفة....تحتي ناس نايمين تعابا
أبقى زولا ليهو قيمة..... أبقى زولا ليهو قيمة
اشقي ألقى..... أبقى بهجة في النفوس لكل مناضل
وابقى للمعتل علاجو....وابقى للفلاح سنابــــــــــــــــــــــــــــــــــل
وابقى للثوّار سلاح.... أعتى من قصف القنابل
وابقى للكادح الملوح....كلو خير موفور وعادل